सहकारी ठगीका आरोपित जीबी राईसहित १८ जनालाई नेपाल ल्याउन सरकारलाई विशेष समितिको निर्देशन (नामसहित)

खोज मिसन २०८१ साउन १४ गते १५:४९

ललितपुर । सहकारी संस्था वचत रकम दुरुपयोग सम्बन्धमा संसदीय छानविन विशेष समितिले सहकारी ठगीको आरोप लागेका स्वर्ण लक्ष्मी बचत तथा ऋण सहकारी संस्थाका जीबी राईसहित १८ जनलाई झिकाउन सरकारलाई निर्देशन दिएको छ ।

समितिले सोमबार गृहमन्त्री रमेश लेखकसहितका प्रहरी अधिकारीहरूसँग छलफल गर्दै बैठकमा सहकारी क्षेत्रको वचत दुरुपयोग,अपचलन र ठगीमा संलग्न भई फरार १८ जना व्यक्तिहरूलाई विदेश वा फरार स्थितिमा रहेकोमा संसदीय विशेष छानविन समितिको सम्पर्कमा ल्याउन र सोधपुछ गरिने सूचिका व्यक्तिहरूसँग समितिको समन्वय र सम्पर्कको प्रबन्ध मिलाउन भनेको सभापति सूर्य थापाले जानकारी दिए ।

बैठकमा गृहमन्त्री लेखकले समितिले विधिवत् रूपमा गरेको अपेक्षा र निर्देशनलाई सरकारले कार्यान्वयन गर्ने प्रतिबद्धता व्यक्त गरे ।उनले समितिलाई कार्यसम्पादनमा सरकारले सम्पूर्ण रूपमा सघाउने, बचतकर्ताहरको बचत दुरूपयोग रोक्ने, फिर्ता पाउने अवस्था सिर्जना गर्ने र पीडितहरूले न्याय पाउने अवस्थामा केन्द्रित भई दिने सुझावलाई सरकारले कार्यान्वयन गर्न कुनै कसर बाँकी नराख्ने बताए ।

विदेशबाट ल्याउनुपर्ने व्यक्तिहरूको नामावली

१ जीबी राई – सूर्य दर्शन सहकारी, पोखरा

२ भरत महर्जन – सुमेरू सहकारी, ललितपुर

३ राजमाया महर्जन – सुमेरु सहकारी काठमाडौं

४ सचिन महर्जन – सुमेरु सहकारी काठमाडौं

५ सरला महर्जन – सुमेरु सहकारी ललितपुर

६ ज्ञानबहादुर बम्जन- सूर्यदर्शन सहकारी, पोखरा

७ भुपेन्द्र राई-सूर्यदर्शन सहकारी, पोखरा

८ तेजबहादुर बम्जन-शिव शिखर सहकारी

९ देवकुमार नेपाली-इमेज वचत, पोखरा

१० छेदा नेपाली – इमेज वचत सहकारी, बागलुङ

११ तस्बिरन खातुन- सानोपाइला सहकारी,बीरगंज