कास्की । कास्कीको वडा प्रहरी कार्यालय रामबजारबाट खटिएको प्रहरी टोलीले लागू औषधसहित २ जनालाई पक्राउ गरेको छ । लागु औषध विक्रि वितरण तथा कारोबार भइरहेको छ भन्ने गोप्य सुचनाको आधारमा खानतलासी गर्दा गत ७ गते २ जना पक्राउ परेका हुन् ।
प्रहरी निरिक्षक विनोद श्रेष्ठको कमाण्डमा रहेको प्रहरी टोलीले ३१ वर्षका स्याङजाका सन्तोष थापा मगरको कोठाबाट लागु औषधसहित अर्का व्यक्ति ४० वर्षका पाल्पाका केश बहादुर कुमाललाई पक्राउ गरेको हो ।
उनीहरुको कोठाबाट लागू औषध नुर्फिन, फेनारगन, डाइजेपाम र गाँजा बरामद गरेको वडा प्रहरी कार्यालय रामबजारले जानकारी दिएको छ । साथै ६ लाखभन्दा धेरै नेपाली रुपैयाँ र २ हजार ४ सय भारतीय रुपैयाँ तथा ८ थान मोबाइल, एक थान ल्यापटप, ४ थान घडी, क्यामरा र ट्याबलेट पनि बरामद भएको छ । पक्राउ परेका २ जनालाई थप अनुसन्धानका लागि जिल्ला प्रहरी कार्यालय कास्की पठाईको छ ।।
क्याटेगोरी : देश
थप समाचार
धेरै पढिएका
प्रतिक्रिया