काठमाण्डौ । नेकपा एमालेका अध्यक्ष केपी शर्मा ओलीले देशको राष्ट्रिय हित र राष्ट्रियताको रक्षाका लागि वर्तमान सरकारले केहि पनि गर्न नसक्ने बताएका छन् ।
शनिबार काठमाडौंमा नेपाल निजामती कर्मचारी संगठनको दोश्रो राष्ट्रिय महिला भेला उद्घाटन गर्दै अध्यक्ष ओलीले भारत भ्रमणका बेला आफ्नो भूमि रक्षाका लागि प्रधानमन्त्रीले केहि पनि बोल्न नसकेको भन्दै सरकारको आलोचना गरेका हुन् । प्रधानमन्त्री प्रचण्डले नेपालका नदिहरु भारतलाई सितैमा सुम्पेर आएको आरोपसमेत ओलीले लगाए ।
सरकारसंग विकासको कुनै योजना र स्रोत पनि नरहेको भन्दै ओलीले सरकार र सरकारमा रहेका दलहरु एमालेको बिरोधमा मात्रै लागेको उल्लेख गरे । त्यस्तै ओलीले पुराना योगदान, त्याग र बलिदानका विरुद्ध अभियान सञ्चालन गर्न खोजिएको भन्दै इतिहासलाई सम्मान गर्न जान्नुपर्ने बताए ।
क्याटेगोरी : देश
थप समाचार
धेरै पढिएका
प्रतिक्रिया