झापा । झापा गोल्डकपको चार पटकको बिजेता त्रिभुवन आर्मी क्लब छैंटौं झापा गोल्डकपको सेमिफाईनलमा प्रवेश गरेको छ । बिर्तामोड स्थीत् डोमालाल राजवंशी रंगशालामा बुधवार भएको खेलमा मच्छिन्द्र फुटबल क्लबलाई २ –१ गोलको जित निकाल्दै आर्मी अन्तिम चारमा प्रवेश गरेको हो ।
आर्मीका लागी खेलको ६१ औं मिनेटमा नवयुग श्रेष्ठले पहिलो गोल गरे भने ८० औं मिनेटमा बसन्त जिम्बाले थप गोल गरि नजिता दोब्बर बनाए । शुरुमा अग्रता लिएको मच्छिन्द्र फुटबल क्लबका लागी खेलको ११ औं मिनेटमा हिसुब थपलियाको उत्कृष्ट पासमा स्टेफन्स विनोङ्सले गोल गरे । दुई पटकको ए डिभिजन लिग बिजेता मच्छिन्द्रले खेलको शुरुवातीमा आक्रमक खेलेपनि अग्रता जोगाउन नसक्दा पराजय व्यर्होनुपर्यो । पहिलो हाफमा दवावमा परेको आर्मिले दोस्रो हाफमा सम्हालिदैं उत्कृष्ट खेल प्रर्दशन गरेको थियो ।
छैंटौं संस्करणको झापा गोल्डकप फागुन २८ गते सम्म संचालन हुनेछ । बिहिवारको खेल आयोजक झापा– ११ र एन्फा मकवानपुर बिच अन्तिम क्वाटरफाईनल खेल हुने झापा गोल्डकप आयोजक समितिले जनाएको छ ।
क्याटेगोरी : खेलकुद
थप समाचार
धेरै पढिएका
प्रतिक्रिया