Techie IT
  • ११ असार २०८१, सोमबार
  • काठमाडौं
Khoj Mission News

एनआरएनए अमेरिकाको मेम्बर सीप ड्राइभ कमिटीको चेयरमा डीलु पराजुली


अमेरिका । गैर आवासीय नेपाली सङ्घ अमेरिकाले सदस्यता खुला गरेकै दिन गत बिहीबार मेम्बर सीप ड्राइभ कमिटीको चेयरमा उपाध्यक्ष डीलु पराजुलीलाई चयन गरेको छ । मेम्बर सीप ड्राइभ कमिटीलाई एनआरएनए अमेरिकामा निक्कै महत्त्वपूर्ण मानिन्छ । वरिष्ठ उपाध्यक्ष कृष्ण जीवी पन्तले मेम्बर सीप ड्राइभ कमिटीको चेयर लिनका लागि निक्कै जोड गरेका थिए । अध्यक्ष बुद्धि सागर सुवेदी र महासचिव अन्जन कुमार चौलागाईले गत बिहीबार बसेको कार्यसमिति बैठकमा उपाध्यक्ष डीलु पराजुलीलाई मेम्बर सीप ड्राइभ कमिटीको चेयरमा प्रस्ताव गरे पछि कार्यसमितिले अनुमोदन ग¥यो ।

सीमित व्यक्तिहरू बिचमा रहेको एनआरएनए अमेरिकालाई पूर्व अध्यक्ष खगेन्द्र जीसीले मेम्बर सीप ड्राइभलाई तीव्रता दिएर सदस्यता विस्तार गरे । त्यसै वर्ष भएको निर्वाचनमा जीसी एनआरएनए अमेरिकाको अध्यक्ष बन्न सफल भए । गैर आवासीय नेपाली सङ्घ अमेरिकालाई धेरै राज्यमा पु¥याउन डाक्टर केशव पौडेलले सदस्यता वितरणमा महत्त्वपूर्ण योगदान दिए । गैर आवासीय नेपाली सङ्घ अमेरिकामा सदस्यता बन्न प्रोत्साहित गर्दै लहर चलाएर । त्यो वर्ष अमेरिकामा झन्डै तीन गुण बढी सदस्य थपिए । त्यसै वर्ष भएको निर्वाचनमा डाक्टर पौडेल खगेन्द्र जी सी पछि अध्यक्ष बन्न पुगे ।

पूर्व अध्यक्ष डाक्टर केशव पौडेल एनआरएनए अमेरिकाको नेतृत्वमा रहेका बेला तत्कालीन वरिष्ठ उपाध्यक्ष सुनिल साहलाई मेम्बर सीप ड्राइभ कमिटीको चेयरमा नियुक्त गरेका थिए । सदस्य सङ्ख्या केही घटे पनि त्यस पटक सुनिल साह नै एनआरएनए अमेरिकाको अध्यक्ष निर्वाचित भए । सुनिल साह अध्यक्ष भएको समयमा तत्कालीन उपाध्यक्ष बुद्धि सागर सुबेदीलाई मेम्बर सीप ड्राइभ कमिटीको चेयर बनाए । सुवेदी मेम्बर सीप ड्राइभ कमिटीको चेयर भएको समयमा एनआरएनए अमेरिकामा सदस्यता दोब्बर वृद्धि भयो त्यही वर्ष भएको निर्वाचनमा बुद्धि सागर सुबेदी अध्यक्षमा निर्वाचित भए । एनआरएनए अमेरिकालाई नजिकबाट बुझ्नेहरूले मेम्बर सीप ड्राइभ कमिटीको चेयरलाई सम्भावित अध्यक्षको रूपमा हेर्ने गर्छन् । यसै कारण मेम्बर सीप ड्राइभ कमिटीको चेयर बन्न निक्कै कडा प्रतिस्पर्धा हुने गर्दछ ।

मेम्बर सीप ड्राइभ कमिटीको चेयरमा नियुक्त भए लगतै उपाध्यक्ष डीलु पराजुलीले प्रेस वक्तव्य जारी गर्दै सदस्यता कसरी बन्ने र कहिलेसम्म बन्न सकिन्छ भन्ने लगायतका धेरै विषयलाई प्रस्ट बनाउने कोसिस गरेका छन् । साथै बुधबार राती एनआरएनए अमेरिकाको फेसबुक पेजबाट सदस्यता लिन योग्यता पुगेका सबैलाई आह्वान गरेका छन् ।

एनआरएनए अमेरिकाका उपाध्यक्ष तथा मेम्बर सीप ड्राइभ कमिटीको चेयर डीलु पराजुलीले सदस्य सङ्ख्याको हिसाबले विश्वको सबै भन्दा ठुलो राष्ट्रिय समन्वय परिषद् अमेरिकाको ताज जोगाउने चुनौती र अवसर आफूलाई प्राप्त भएको जनाएका छन् । मेम्बर सीप ड्राइभ कमिटीको चेयरको जिम्मेवारी दिएकोमा अध्यक्ष बुद्धि सागर सुबेदी र कार्यसमितिलाई उपाध्यक्ष पराजुलीले धन्यवाद दिएका छन् । एनआरएनए अमेरिकाका २९ वटा च्याप्टर र सबै राज्यमा रहेका इकाइसँग मिलेर सदस्यता वितरणको अभिभारालाई पुरा गर्ने प्रतिबद्धता जाहेर गरेका छन् ।


क्याटेगोरी : विदेश

प्रतिक्रिया


धेरै पढिएका

प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode