अवाञ्छित क्रियाकलापमा संलग्न जो कसैलाई पनि कानुनी कारबाही हुन्छः गृहमन्त्री लामिछाने
ललितपुर । सहकारीका विषयमा सरकारको गम्भीर चासो रहेको भन्दै उपप्रधानमन्त्री तथा गृहमन्त्री रवि लामिछानेले अवाञ्छित गतिविधिमा संलग्न जो कोहीलाई पनि कानुनी कारबाही हुने बताउनु भएको छ । आइतबार नेपालको सहकारी अभियानको तर्फबाट राष्ट्रिय सहकारी महासंघको अध्यक्ष ओमदेवी मल्लको नेतृत्वमा गएको उच्चस्तरीय प्रतिनिधिमण्डलसँग छलफलको क्रममा गृहमन्त्री लामिछानेले उक्त कुरा बताउनु भयो । साथै उहाँले सहकारी अभियानको माग सम्बन्धमा आवश्यक अध्ययन गरी गृह मन्त्रालयबाट परिपत्र गर्ने आश्वासन समेत दिनुभयो ।
उक्त क्रममा सहकारी अभियानको तर्फबाट महासंघका अध्यक्ष मल्लले सहकारी संघ÷संस्थाको ऋण असुली तथा धितो लिलाम प्रक्रियामा अराजक समूहले अवरोध पु–याएको भन्दै आवश्यक सुरक्षा व्यवस्थाको लागि गृह मन्त्रालयको ध्यानाकर्षण गराउनु भएको थियो । साथै सहकारी संस्थाको ऋण तिर्नुपर्दैन भनी केही अराजक समूहबाट भ्रम फैलाइएको, ऋण असुलीमा जाने कर्मचारीमाथि गालीगलौज, धम्की प्राप्त भएको, धितो लिलामी प्रक्रियामा अवरोध सिर्जना लगायतका कार्यले सहकारी संघरसंस्थाको चालु आर्थिक वर्षको खाता वन्दीमा नकारात्मक असर परेको भन्दै आवश्यक सुरक्षा व्यवस्थाका लागि गृह मन्त्रालयबाट परिपत्र गरी दिन माग राख्नुभएको थियो ।
महासंघका निवर्तमान अध्यक्ष एवम् बैंकका सल्लाहकार मीनराज कँडेलले सहकारी संघ÷संस्थालाई राजस्व तिर्नुपर्दैन जस्ता गम्भीर विषयमा अराजक समूहबाट भ्रम सिर्जना गरेको हुँदा राज्यले तत्काल कारबाहीको दायरामा ल्याउनुपर्ने कुरामा जोड दिनुभयो । प्रतिनिधिमण्डलमा महासंघका उपाध्यक्ष डी।वि। बस्नेत, सञ्चालक काशीचन्द्र बराल, महाप्रबन्धक चित्रा कुमारी थाम्सुहांग सुब्बाको सहभागिता रहेको थियो भने छलफलमा क्रममा नेपाल बचत तथा ऋण केन्द्रीय सहकारी संघका अध्यक्ष चन्द ढकाल र राष्ट्रिय सहकारी बैंकका प्रमुख कार्यकारी अधिकृत बद्री कुमार गुरागाईले सहकारी क्षेत्रको समस्या समाधानका लागि गर्नुपर्ने विषयमा कुरा राख्नुभएको थियो ।
क्याटेगोरी : अर्थ/सहकारी
थप समाचार
धेरै पढिएका
प्रतिक्रिया