लगानीकर्ताहरुलाई प्रधानमन्त्रीको आग्रह : लगानीको वातावरण बनेको छ, ढुक्क हुनुस्
काठमाण्डौ । प्रधानमन्त्री पुष्पकमल दाहालले नेपालमा लगानीको अनुकूल वातावरण बनेको भन्दै लगानीकर्ताहरुलाई लगानी गर्न आग्रह गरेका छन् । लगानी बोर्डको १२ औं वार्षिकोत्सवको अवसरमा शुक्रबार काठमाडौंमा आयोजित कार्यक्रममा प्रधानमन्त्री दाहालले लगानीको अनुकूल वातावरण बन्दै गएको अवस्थामा लगानीको प्रभावकारी सदुपयोग र जोखिममुक्त गर्न सरकार प्रतिबद्ध रहेको भन्दै लगानीकर्ताहरुलाई लगानी गर्न आग्रह गरेका हुन् ।
संविधानको मर्मअनुसार लगानीमैत्री वातावरण बनाउन सबै तहका सरकारबीच समन्वय र सहकार्य अपरिहार्य रहेको उनले बताए । प्रधानमन्त्रीले व्यवसाय र लगानीको वातावरण सुदृढ गर्न नीतिगत, कानुनी, नियामक, प्रक्रियागत र संस्थागत व्यवस्थामा निरन्तर सुधार गर्न सरकार प्रतिबद्ध रहेको पनि बताए ।
नेपालले सन् २०३० सम्ममा मध्यम आय भएको मुलुक बन्ने र दिगो विकासका लक्ष्यहरू हासिल गर्ने लक्ष्य लिएको भन्दै कोभिड महामारी, विश्वव्यापी द्वन्द्व र जलवायु परिवर्तनका कारणले तोकिएको समयसीमाभित्र लक्षय पुरा गर्नु प्रमुख चुनौतीको रूपमा रहेको जिकिर गरे ।
क्याटेगोरी : अर्थ/सहकारी
थप समाचार
धेरै पढिएका
प्रतिक्रिया