दार्चुला । दार्चुलामा हिमपहिरोमा पुरि बेपत्ता भएका ५ जनामध्ये ३ जनाको शव फेला परेको छ । व्यास–१ नाम्पा पाटननजिकको भोलिङमा यार्चागुम्बा संकलनका लागि बसेका बेला माथिबाट आएको हिमपहिरोमा पुरिएर हिजो विहान ५ जना बेपत्ता भएका थिए ।
हिमपहिरोमा पुरिएर बेपत्ता भएका ५ जनामध्ये ३ जनाको शव आज बुधबार बिहान उद्धारको क्रममा फेला परेको सहायक प्रमुख जिल्ला अधिकारी प्रदीपसिंह धामीले बताए । सशस्त्र प्रहरी र जनपथ प्रहरी सीतापुलको टोलीले उद्धार गर्ने क्रममा उनीहरूको शव फेला पारेको हो । शव घटनास्थलभन्दा अन्दाजी ६ सय मिटर पर खोल्सामा भेटिएको धामीले बताए ।
शवको सनाखत भने भएको छैन । आज पनि उक्त क्षेत्रमा हिउँका साथै पानी पनि परिरहेकाले उद्धार कार्यमा कठिनाइ भएको छ । मृत्यु हुनेमा दुई महिला र एक पुरुष रहेका छन् । अन्य २ जनाको पनि खोजीकार्य भईरहेको प्रहरीले जनाएको छ ।
क्याटेगोरी : देश
थप समाचार
धेरै पढिएका
प्रतिक्रिया